गांधीनगर:

भारतातील अग्रगण्य माहिती तंत्रज्ञान सेवा पुरवठादार कंपनी एचसीएलटेक (HCLTech) ने गुजरातच्या तंत्रज्ञान क्षेत्रात एक मोठी झेप घेतली आहे. कंपनीने गुजरातमधील आंतरराष्ट्रीय आर्थिक सेवा केंद्र असलेल्या 'गिफ्ट सिटी' (GIFT City) मध्ये आपल्या अत्याधुनिक 'जागतिक तंत्रज्ञान केंद्राचे' (Global Technology Centre) औपचारिक उद्घाटन केले आहे. या नवीन केंद्राच्या माध्यमातून जगभरातील वित्तीय सेवा क्षेत्रातील ग्राहकांसाठी कृत्रिम बुद्धिमत्ता (AI) आणि प्रगत तंत्रज्ञानावर आधारित नवनवीन डिजिटल उपाय विकसित केले जाणार आहेत. हे केंद्र केवळ तंत्रज्ञान विकासाचे केंद्र न राहता, आगामी काळातील डिजिटल आव्हानांसाठी कुशल मनुष्यबळ तयार करणारे एक प्रमुख व्यासपीठ म्हणूनही महत्त्वाची भूमिका बजावणार आहे.

या जागतिक दर्जाच्या केंद्राचे उद्घाटन गुजरातचे उपमुख्यमंत्री हर्ष संघवी यांच्या हस्ते तंत्रज्ञान क्षेत्रातील प्रमुख दिग्गजांच्या उपस्थितीत संपन्न झाले. या विशेष प्रसंगी एचसीएलटेकचे मुख्य कार्यकारी अधिकारी (CEO) आणि व्यवस्थापकीय संचालक सी. विजयकुमार यांच्यासह गिफ्ट सिटीचे व्यवस्थापकीय संचालक आणि समूह मुख्य कार्यकारी अधिकारी संजय कौल प्रामुख्याने उपस्थित होते. गिफ्ट सिटीमध्ये उपलब्ध असलेल्या जागतिक दर्जाच्या पायाभूत सुविधांचा आणि अनुकूल वातावरणाचा फायदा घेत वित्तीय क्षेत्राला आयटी सेवांचा भक्कम पाठबळ देण्याचा कंपनीचा मानस आहे.

केवळ तंत्रज्ञान केंद्राची स्थापना न करता एचसीएलटेकने गुजरातमधील शैक्षणिक क्षेत्राला बळकटी देण्यासाठी एक महत्त्वाचे पाऊल उचलले आहे. कंपनीने आयआयटी गांधीनगर (IIT Gandhinagar) आणि गुजरात तंत्रज्ञान विद्यापीठ (GTU) यांच्यासोबत महत्त्वपूर्ण सामंजस्य करार (MoU) केले आहेत. उद्योग जगतातील गरजा आणि शैक्षणिक संस्थांमधील संशोधन यांच्यात समन्वय साधून गुजरातमध्ये भविष्यातील आयटी क्षेत्रासाठी सक्षम मनुष्यबळ निर्माण करणे, हा या भागीदारीचा मुख्य हेतू आहे. या करारांतर्गत वित्तीय सेवा क्षेत्रासाठी आवश्यक असणाऱ्या एआय (AI) संशोधनावर, सॉफ्टवेअर डेव्हलपमेंटवर आणि विशेष कौशल्य प्रशिक्षणावर प्रामुख्याने लक्ष केंद्रित केले जाईल. यामुळे स्थानिक विद्यार्थी आणि प्राध्यापकांना थेट कॉर्पोरेट क्षेत्रातील जागतिक प्रकल्पांवर काम करण्याचा प्रत्यक्ष अनुभव मिळणार आहे.

या नव्या प्रवासाबद्दल बोलताना एचसीएलटेकचे सीईओ सी. विजयकुमार यांनी सांगितले की, गिफ्ट सिटीमधील ही नवी सुरुवात आमच्यासाठी अत्यंत आनंददायी आहे. वित्तीय क्षेत्राला एआय तंत्रज्ञानाची जोड देऊन जागतिक दर्जाचे सोल्यूशन्स देण्यास आम्ही सज्ज आहोत. गुजरातमधील संपूर्ण तंत्रज्ञान परिसंस्था अधिक मजबूत करण्यासोबतच, शैक्षणिक संस्थांच्या सहकार्याने भविष्यातील कुशल आयटी प्रोफेशनल्सची फळी उभी करण्यासाठी एचसीएलटेक पूर्णपणे कटिबद्ध आहे. एचसीएलटेकच्या या नव्या गुंतवणुकीमुळे गुजरातच्या आयटी क्षेत्राला आणि पर्यायाने रोजगाराच्या संधींना मोठी गती मिळण्याची शक्यता वर्तवली जात आहे.

आर्टिफिशिअल इंटेलिजन्स चा उपयोग सध्या जगभर होत आहे . या टेकनॉलॉजि मुळे अनेक गोष्टी सहज आणि सोप्या झालेल्या आहेत. Google ने Sora शी स्पर्धा करण्यासाठी Veo चे Second Version लाँच केले आहे. या टेकनॉलॉजि मुळे  AI च्या माध्यमातून विडिओ बनवता येणार आहेत. 
या मॉडेलची अंतिम आवृत्ती 4K गुणवत्तेत 2 मिनिटांपर्यंतचे व्हिडिओ तयार करू शकेल तसेच वस्तू आणि द्रवपदार्थांची हालचाल यांचे  मागील आवृत्ती आणि Sora पेक्षा अधिक खरे वाटणारे विडिओ तयार करेल .

हे मॉडेल सध्या Google च्या VideoFX प्लॅटफॉर्मवर labs.google/videofx वर उपलब्ध आहे परंतु त्यासाठी विनंती आणि रांग आवश्यक आहे आणि ते तयार केलेले व्हिडिओ 8 सेकंद आणि 720p पर्यंत मर्यादित आहेत. मॉडेलची अंतिम आवृत्ती येत्या काही महिन्यांत Google च्या एंटरप्राइझ ग्राहकांसाठी उपलब्ध होणार आहे.

टेसला कार कंपनी ने सर्वात पहिल्यांदा सेल्फ ड्रायविंग कार लाँच केली होती. यामुळे टेसला कंपनी चे नांव जगभरात प्रसिद्ध झाले. 
आता टेस्लाने रोबोव्हॅन सेल्फ-ड्रायव्हिंग व्हॅनचे अनावरण केले आहे, जी विशिष्ट मार्गांवर मोठ्या संख्येने लोकांची वाहतूक करण्यासाठी डिझाइन केलेली आहे. या व्हॅन मधून एका वेळेस 20 लोक प्रवास करू शकतील. माल वाहून नेण्यासाठी देखील याचा वापर केला जाऊ शकतो. रिलीजची वेळ अद्याप टेसला कंपनी ने जाहीर केलेली नाही.