पुण्यातील वडगाव आनंद येथे चोरट्यांनी दोन ठिकाणी घरफोडी केल्याची घटना समोर आली आहे. या टोळीला आळेफाटा पोलीस स्टेशन आणि स्थानिक गुन्हे अन्वेषण शाखेने अवघ्या 5 तासात ताब्यात घेतले आहे.या प्रकरणी उपविभागीय पोलीस अधिकारी रवींद्र चौधर यांनी दिलेल्या माहितीनुसार, जुन्नर तालुक्यातील वडगाव आनंद येथे 5 जुलै रोजी मध्यरात्री चेतन चौगुले यांच्या घराच्या खिडकीचे गज कापून घरात प्रवेश केला व त्यांच्या घरातील सोन्याचे दागिने व रोख रक्कम असे तब्बल 2 लाख 50 हजारांची चोरी केली होती. तसेच त्यांच्या बाजूला राहणाऱ्या प्रशांत चौगुले यांच्या घराचा पाठीमागील दरवाजा तोडून त्यांच्या घरातील रोख रक्कमेसोबत भांडी असाएकूण 2 लाख 66 हजार रुपयांचा मुद्देमाल लंपास केला होता. याची तक्रार चेतन चौगुले व प्रशांत चौगुले यांनी आळेफाटा येथील पोलीस स्टेशन मध्ये केली.
या प्रकरणाचा तपास आळेफाटा पोलीस स्टेशन व स्थानिक गुन्हे शाखा पुणे ग्रामीण यांनी केला असून यामध्ये पुणे ग्रामीण पोलीस अधीक्षक संदीप सिंह गिल्ल, उपविभागीय पोलीस अधिकारी रवींद्र चौधर, अविनाश शिळीमकर, अप्पर पोलीस अधीक्षक पुणे ग्रामीण रमेश चोपडे,स्थानिक गुन्हे शाखा पुणे ग्रामीणचे अविनाश शिळीमकर यांच्या मार्गदर्शनाखाली पोलीस निरीक्षक विश्वास जाधव यांनी दिलेल्या सूचनेप्रमाणे आळेफाटा पोलीस स्टेशन आणि स्थानिक गुन्हे शाखेच्या संयुक्त कामगिरीमुळे या आरोपीच्या मुस्क्या आवळण्यात यश आले.
खबरें और भी हैं
