दिल्लीतील लाल किल्ला येथे झालेल्या बॉम्बस्फोट प्रकरणी पोलिसांच्या तपासाला आता वेग आला आहे. हाती लागलेल्या अनेक बाबींनुसार लखनऊमध्ये छापे टाकण्यात आले. त्यामध्ये स्फोट मोड्युलशी संबंधित फोन उपकरणे आणि कागदपत्रे सापडली. त्यानंतर युपीएटीएस आणि केंद्रीय एजन्सीने 41 वर्षीय डॉक्टर परवेज अन्सारी याला अटक केली आहे. अन्सारी हा डॉक्टर शाहीन शाहिदचा धाकटा भाऊ आहे. शाहीनला सुद्धा पोलिसांनी ताब्यात घेतले आहे. त्याच नेटवर्कमध्ये तिच्या भूमिकेसाठी नोव्हेंबर च्या सुरुवातीला फरीदाबाद मध्ये अटक करण्यात आली होती. असे तपासाशी परिचित असलेल्या एटीएस अधिकाऱ्यांनी सांगितले आहे.
लखनऊचे एडीसीपी उत्तर अमोल मुरकुट म्हणाले की, एटीएस आणि स्थानिक पोलीस पथकाने सोमवारी रात्री आणि मंगळवारी सकाळी मढीयांव पोलीस ठाणे अंतर्गत आयआयएम रोडवरील मुत्ताकीपूर येथील अन्सारीच्या घराची झडती घेतली. घरातून अनेक मोबाईल फोन इलेक्ट्रॉनिक उपकरणे आणि कागदपत्रे जप्त करण्यात आले आहेत. अधिकाऱ्यांनी सांगितल्याप्रमाणे हरियाणा आणि जम्मू-काश्मीर पोलिसांकडून मिळालेले माहितीच्या आधारे ही झडती घेण्यात. जम्मू-काश्मीर पोलीस आणि उत्तर प्रदेश एटीएस अन्सारीची सखोल चौकशी करत आहेत. अन्सारीच्या वडिलांनी तपासकर्त्यांना सांगितले की, त्यांचा मुलगा परवेझ याने एक वर्षांपूर्वी मडियांव येथे वेगळे घर खरेदी केले होते. अन्सारी हा लखनऊ मधील एका खासगी अल्पसंख्याक विद्यापीठात काम करत होता. विद्यापीठाच्या अधिकाऱ्यांनी सांगितले की, 2011 मध्ये लखनऊ मधून एमबीबीएस आणि 2015 मध्ये आग्रा मधून एमडी पूर्ण करणारे अन्सारी जुलै 2021 पासून वरिष्ठ निवासी म्हणून काम करत होते परंतु त्यांनी सहा नोव्हेंबर रोजी अचानक राजीनामा दिला.
एटीएस अधिकाऱ्यांनी दिलेल्या माहितीनुसार त्याच्या घरात न वापरलेली कार आणि धुळ खात पडलेले फर्निचर यावरून तो काही दिवसांपूर्वीच पळून गेला होता असे दिसून आले. अन्सारीचे असे बेपत्ता होणे अत्यंत संशयास्पद आहे. बॉम्ब स्फोट प्रकरणी चौकशी दरम्यान या मॉड्यूलमध्ये सहभागी असलेल्या इतर व्यक्तींबद्दल माहिती मिळाली त्यामुळे अल्फलाह मेडिकल कॉलेजमधील डॉक्टर मुजम्मील या व्यक्तीला अटक करण्यात आली आहे. या माहितीच्या आधारे मोठ्या प्रमाणात शस्त्र आणि स्फोटके देखील जप्त करण्यात आली आहेत. 10 नोव्हेंबर रोजी मेवातच्या ढेरा कॉलनीतील अल्फलाह मशिदीचे इमाम हाफीज मोहम्मद इस्तीयाक यांच्या घरी पोलिसांना 2563 किलोग्राम स्फोटकांचा मोठा साठा सापडला. नंतर लगेच परिसरातून आणखी 358 किलोग्राम स्फोटक साहित्य डेटोनेटर आणि टायमर जप्त करण्यात आले. एकूण सुमारे 3000 किलोग्रॅम बॉम्ब बनवण्याचे साहित्य जप्त करण्यात आले आहे. हे मॉड्युल प्रतिबंधित जैश ए मोहम्मद आणि अन्सार गजवत उल् हिंद शी जोडलेले असल्याचा संशय आहे.
डॉ. उमर होता या नेटवर्कचा भाग
तपासकर्त्यांनी सांगितले की, डॉक्टर उमर या नेटवर्कचा भाग होता. दिल्ली एनसीआर आणि पुलवामा मधील अनेक ठिकाणी सुरक्षा यंत्रणांनी टाकले छापे मोठ्या प्रमाणात स्फोटके जप्त करण्यात आली. यामुळे संशयिताने वाढत्या दबावाखाली घाईघाईने कृती केल्याचे मानले जात आहे. दिल्ली स्फोटात वापरला गेलेला बॉम्ब हा अकाली होता आणि पूर्णपणे विकसित झालेला नव्हता त्यामुळे त्याचा परिणाम मर्यादित होता असे अधिकाऱ्यांनी सांगितले आहे.
