पुणे: पुण्यात रस्ते अपघातांचे प्रमाण वाढले असून अपघातांची साखळी सुरूच आहे आज सकाळी नवले ब्रिज सारखीच दुसरी घटना पुण्यात येरवडा गोष्ट उड्डाणपूला जवळ घडली. सुमारे ६ ते ७ वाहनांची साखळी धडक झाली. यामध्ये १० ते १२ जण किरकोळ जखमी झाले असून या अपघातामुळे मोठी वाहतूक कोंडी झाली होती. अपघातातील गाड्यांचे मोठे नुकसान झाले आहे. अपघातामुळे काही वेळेसाठी वाहतूक कोंडी झाली होती. पुण्यामध्ये नवले ब्रिज सारखीच घटना येरवडा भागांमध्ये घडली. मिळालेल्या माहितीनुसार, अचानक ब्रेक दाबल्याने किंवा अन्य कोणत्या कारणामुळे वाहनांच्या चालकाचे नियंत्रण सुटले आणि ही वाहने एकमेकांना धडकल्यामुळे मोठा अपघात झाला. सुदैवाने यामध्ये कोणतीही जीवितहानी झालेली नाही मात्र यामध्ये दहा ते बारा जण किरकोळ जखमी झाले आहेत. जखमींना जवळच्या रुग्णालयात दाखल करण्यात आले असून त्यांच्यावर उपचार सुरू आहेत. येरवड्यातील गोल चौक उड्डाणपूल जवळ सहा ते सात वाहने एकमेकांना धडकली त्यामुळे परिसरामध्ये मोठी खळबळ उडाली. या अपघातामुळे वाहनांचे मोठे नुकसान झाले आहे. यामध्ये गाड्या एकमेकांवर जोरात धडकल्या तर काही कार एकमेकांमध्ये घुसल्या आहेत. या अपघाताचे कारण काय होते याचा तपास येरवडा पोलीस करत आहेत.
