हिंदी सिने सृष्टीतील दिग्गज अभिनेते धर्मेंद्र यांचे २४ नोव्हेंबर रोजी वयाच्या ८९ व्या वर्षी मुंबईतील त्यांच्या घरी निधन झाले. ऑक्टोबरच्या अखेरीस श्वास घेण्यास त्रास होत असल्याने मुंबईतील ब्रीच कँडी रुग्णालयातून डिस्चार्ज मिळाल्यानंतर १२ दिवसांनी या अभिनेत्याचे निधन झाले. ८ डिसेंबर रोजी त्यांचा वाढदिवस होता ते ९० वर्षांचे झाले असते. परंतु आज त्यांचे दुःखद निधन झाले.
बॉलिवूडचा 'ही-मॅन'
बॉलिवूड चा 'ही- मॅन 'म्हणून ओळखले जाणारे ज्येष्ठ अभिनेते धर्मेंद्र यांच्या निधनाने देओल कुटुंब आणि संपूर्ण चित्रपटसृष्टीला धक्का बसला आहे. निर्माता करण जोहर यांनी सोशल मीडिया पोस्टद्वारे ज्येष्ठ अभिनेते धर्मेंद्र यांच्या निधनाची बातमी शेअर केली. सोमवारी सकाळी देओल कुटुंब मुंबईतील पवन हंस स्मशानभूमीत पोहोचले होते जिथे धर्मेंद्र यांना अंत्यसंस्कार करण्यात आले आहे. सनी, बॉबी आणि ईशा देओल स्मशानभूमीत पोहोचले होते. धर्मेंद्र यांची दुसरी पत्नी आणि अभिनेत्री हेमा मालिनी देखील स्मशानभूमीत पोहोचल्या होत्या. अमिताभ बच्चन , आमिर खान आणि अभिषेक बच्चन सारखे बॉलिवूड कलाकार देखील स्मशानभूमीत पोहोचले होते. सहा दशकांहून अधिक काळ चाललेल्या आणि हिंदी चित्रपटसृष्टीच्या पिढ्यांना परिभाषित करणाऱ्या ३०० हून अधिक चित्रपट त्यांनी केले होते.
