दहिवडी: मुख्यमंत्री समृद्ध पंचायतराज अभियान अंतर्गत आंधळी ग्रामपंचायतीचे आदर्श सरपंच दादासाहेब काळे यांनी ग्रामपंचायत हद्दीमध्ये ५००० झाडांचे रविवार दि. २३ रोजी ग्रामविकास मंत्री ना. जयकुमार गोरे यांच्या हस्ते वृक्षारोपण करणार असल्याचे सांगितले. ग्रामपंचायतीच्या सर्वांगीण विकासाचे उद्दिष्ट डोळ्यासमोर ठेवून हरित ग्रामपंचायत बनवून नागरिकांना शुद्ध हवा व ऑक्सिजनचा मोठ्या प्रमाणात पुरवठा व्हावा यासाठी यासाठी सरपंच दादासाहेब काळे यांनी हा निर्णय घेतला आहे. दादासाहेब काळे हे आपल्या आदर्श कार्यकुशलतेमुळे संपूर्ण राज्यात चर्चेत असतात. त्यांच्या कार्याची दखल राज्य पातळीवर घेतली जाते. ग्रामपंचायत स्तरावर त्यांनी ज्या योजना अमलात आणल्या त्या योजनांची राज्यातील अनेक ग्रामपंचायतींनी नक्कल केली आहे.ग्रामपंचायत स्तरावर आंधळी ग्रामपंचायत आणि सरपंच दादासाहेब काळे आदर्श मानून ग्रामविकास मंत्रालय अनेक योजना अमलात आणत आहेत. या वृक्षारोपणासाठी सोनिया गोरे,अर्जुन काळे अरुण गोरे, किसनशेठ सस्ते, तहसीलदार विकास अहिर, बीडीओ प्रदीप शेंडगे इत्यादी मान्यवर उपस्थित राहणार आहेत.
राज्यातील पाहिली ग्रामपंचायत ५००० वृक्षारोपण करून राज्यात समृद्ध ग्राम आदर्श निर्माण करणारी सरपंच दादासाहेब काळे यांची आंधळी ग्रामपंचायत राज्यात पहिली ठरली आहे.या समृद्ध ग्राम निर्णयामुळे ग्रामीण विकास मंत्री जयकुमार गोरे यांनी दादासाहेब काळे यांचे अभिनंदन केले आहे.
