माण तालुक्यातील बिगर अनुसुचित क्षेत्रातील सर्व ९५ ग्रामपंचायतीच्या सरपंच पदासाठी आरक्षण सोडत शुक्रवार ४ जुलै रोजी सकाळी ११ वाजता तहसील कार्यालय दहिवडी येथील बैठकीत पार पडली. गोंदवले बुद्रुक, उकिर्डे, पानवण, बिदाल, धामणी महिमानगड येथे ना.म.प्र. स्त्री हे आरक्षण पडले तर मलवडी, वावरहिरे, भांडवली मध्ये सर्वसाधारण महिला हा बदल झालेला आहे.
माण तालुक्यातील एकूण ९५ ग्रामपंचायतीच्या सन २०२५ ते २०३० या कालावधीसाठीचे सरपंच पदाचे आरक्षण आळीपाळीने (चक्रानुक्रमे) पध्दतीने जाहीर करण्यात आले. यावेळी निरीक्षण अधिकारी तथा उपजिल्हाधिकारी अभिजित पाटील, तहसीलदार विकास अहिर, नायब तहसीलदार योगिता ढोले व श्रीकांत शेंडे, आदी अधिकारी व गावोगावचे नेते तसेच सरपंच पदासाठीचे इच्छुक उपस्थित होते. बहुतांशी आरक्षण थेट जाहीर करण्यात आले तर काही ठिकाणी चिठ्ठीचा वापर करण्यात आला.
