अण्णा हजारे विद्यार्थ्यांच्या पाठिंशी! जंतर-मंतर आंदोलनाला पाठिंबा देत केली 'ही' मोठी घोषणा

नवी दिल्ली: देशभरात गाजत असलेल्या 'नीट' परीक्षा पेपरफुटी प्रकरणाला आणि दिल्लीतील विद्यार्थी आंदोलनाला आता ज्येष्ठ समाजसेवक अण्णा हजारे यांचे मोठे बळ मिळाले आहे. केंद्रीय शिक्षणमंत्री धर्मेंद्र प्रधान यांच्या राजीनाम्याच्या मागणीसाठी दिल्लीतील जंतर-मंतरवर गेल्या महिनाभरापासून 'कॉकरोच जनता पार्टी'च्या वतीने आंदोलन सुरू आहे. या आंदोलनाला अण्णा हजारे यांनी आपला पूर्ण पाठिंबा जाहीर केला असून, ते स्वतः या लढ्यात मैदानात उतरल्याने देशातील राजकीय व सामाजिक वातावरण पुन्हा एकदा तापले आहे.

सोमवारी 'कॉकरोच जनता पार्टी'च्या नेतृत्वात विद्यार्थ्यांनी संसदेवर धडक मोर्चा काढण्याचा प्रयत्न केला होता. मात्र, त्यावेळी पोलीस आणि आंदोलक विद्यार्थी आमनेसामने आले अन् पोलिसांनी विद्यार्थ्यांवर लाठीचार्ज केला. या घटनेनंतर देशभरातून तीव्र संताप व्यक्त केला जात आहे. पोलिसांच्या या अमानुष कारवाईचा तीव्र निषेध करत अण्णा हजारे यांनी विद्यार्थ्यांच्या मागण्या रास्त असल्याचे स्पष्ट केले आहे. अन्यायाविरोधात आणि भ्रष्टाचाराविरोधात लढा देणाऱ्या तरुणाईचा आवाज दडपणे चुकीचे असून आपण विद्यार्थ्यांच्या पाठीशी खंबीरपणे उभे असल्याचे त्यांनी जाहीर केले आहे.

अण्णा हजारे यांच्या या सक्रिय सहभागामुळे आणि त्यांनी केलेल्या मोठ्या घोषणेमुळे केंद्र सरकारवरील दबाव प्रचंड वाढला आहे. दिल्लीतील जंतर-मंतरवर सुरू असलेल्या या आंदोलनाला अण्णांच्या पाठिंब्यामुळे आता एका मोठ्या राष्ट्रीय जनआंदोलनाचे स्वरूप प्राप्त झाले असून, आगामी काळात हे आंदोलन अधिक तीव्र होण्याची चिन्हे दिसत आहेत.