संसदेचे पावसाळी अधिवेशन संपले; मोदी-शहा सभागृहात, कामकाज अनिश्चित काळासाठी स्थगित

नवी दिल्ली: संसदेच्या पावसाळी अधिवेशनाचा आज शेवटचा दिवस असून राजकीय वर्तुळात मोठ्या घडामोडी घडल्या. आज सकाळी पंतप्रधान नरेंद्र मोदी आणि केंद्रीय गृहमंत्री अमित शहा संसदेत पोहोचले, मात्र सभागृहात दाखल होताच लोकसभेचे कामकाज सुरू झाले आणि अवघ्या काही वेळातच ते अनिश्चित काळासाठी स्थगित करण्यात आले. पावसाळी अधिवेशनाच्या शेवटच्या दिवशी महत्त्वाच्या मुद्द्यांवर चर्चा होण्याची शक्यता वर्तवण्यात येत होती, परंतु कामकाज स्थगित झाल्यामुळे आता हे अधिवेशन अधिकृतपणे संपन्न झाले आहे.

        पावसाळी अधिवेशन सुरू झाल्यापासून विरोधक आणि सत्ताधारी यांच्यात विविध मुद्द्यांवरून जोरदार खडाजंगी पाहायला मिळाली. अधिवेशनाच्या अखेरच्या दिवशी पंतप्रधान मोदी आणि अमित शहा यांची उपस्थिती अत्यंत महत्त्वपूर्ण मानली जात होती. मात्र, सभागृहाचे कामकाज सुरू होताच पीठासीन अधिकाऱ्यांनी ते अनिश्चित काळासाठी स्थगित करण्याची घोषणा केली. यामुळे आता पावसाळी अधिवेशन औपचारिकरीत्या संपले असून, या अधिवेशनात कोणत्या महत्त्वपूर्ण विधेयकांवर चर्चा झाली आणि कोणती कामे मार्गी लागली, याचा आढावा आता सुरू झाला आहे. लोकसभा कामकाज स्थगित झाल्याच्या घोषणेनंतर आता राजकीय वर्तुळात आगामी काळातील रणनीती आणि हिवाळी अधिवेशनाच्या तयारीबाबत चर्चा सुरू झाली आहेत.