पुणेकरांसाठी नोकरीची संधी; खेडमध्ये १७ रिक्त जागांसाठी भरती, २३ सप्टेंबरला थेट मुलाखत

पुणे: पुणे जिल्ह्यातील शिक्षण क्षेत्रात करिअर करू इच्छिणाऱ्या पात्र आणि अनुभवी उमेदवारांसाठी एक अत्यंत महत्त्वाची बातमी समोर आली आहे. खेड येथील नामांकित ‘हुतात्मा राजगुरू शिक्षण प्रसारक मंडळ’ यांच्या मार्फत विविध रिक्त पदांवर भरती प्रक्रिया राबविण्यात येत आहे. या मोहिमे अंतर्गत ‘सहाय्यक प्राध्यापक’ आणि ‘शारीरिक शिक्षण संचालक’ अशा एकूण १७ रिक्त पदांवर भरती केली जाणार असून, यासाठी आगामी २३ सप्टेंबर २०२६ रोजी थेट वॉक-इन मुलाखतीचे (Walk-in Interview) आयोजन करण्यात आले आहे. नोकरीच्या शोधात असलेल्या उच्चशिक्षित तरुणांसाठी ही एक उत्तम संधी मानली जात आहे.

      या विशेष भरती मोहिमेत एकूण १७ जागा भरल्या जाणार आहेत. यामध्ये १५ रिक्त जागा ‘सहाय्यक प्राध्यापक’ पदासाठी तर २ रिक्त जागा ‘शारीरिक शिक्षण संचालक’ पदासाठी उपलब्ध आहेत. पदाच्या पात्रतेबाबत बोलायचे तर, सहायक प्राध्यापक पदासाठी अर्ज करणाऱ्या उमेदवारांनी संबंधित विषयात एलएल.एम. (LL.M), एम.ए. (M.A.) किंवा एम.कॉम. (M.Com.) पदवी पूर्ण केलेली असावी, तसेच त्यासोबत नेट (NET) किंवा सेट (SET) परीक्षा उत्तीर्ण असणे आवश्यक आहे. याशिवाय, शारीरिक शिक्षण संचालक पदासाठी उमेदवारांकडे एम.पी.एड. (M.P.Ed.) पदवीसह नेट किंवा सेट परीक्षा उत्तीर्ण केलेली असणे अनिवार्य करण्यात आले आहे. या भरतीसाठी शासनाच्या नियमां नुसार उमेदवारांची कमाल वयोमर्यादा ६९ वर्षांपर्यंत निश्चित करण्यात आली असून, निवड झालेल्या उमेदवारांना सरकारी नियमां नुसार आकर्षक वेतनश्रेणी दिली जाणार आहे.

       या भरती प्रक्रियेचे सर्वात मोठे वैशिष्ट्य म्हणजे यासाठी कोणतीही लांबलचक अर्ज प्रक्रिया किंवा पूर्व परीक्षा ठेवण्यात आलेली नाही. पात्र उमेदवारांची निवड थेट मुलाखतीच्या माध्यमातून केली जाणार आहे. इच्छुक उमेदवारांनी २३ सप्टेंबर २०२६ रोजी आवश्यक कागदपत्रांसह थेट मुलाखतीच्या ठिकाणी उपस्थित राहणे आवश्यक आहे. मुलाखतीला जाताना उमेदवारांनी आपला परिपूर्ण माहिती असलेला अर्ज, सर्व शैक्षणिक पात्रतेचे मूळ प्रमाणपत्रे, गुणपत्रिका, अनुभवाचे दाखले आणि या सर्व कागदपत्रांच्या साक्षांकित केलेल्या (Attested) छायाप्रती सोबत बाळगणे बंधनकारक आहे.

        वॉक-इन मुलाखतीचे अधिकृत ठिकाण ‘हुतात्मा राजगुरू शिक्षण प्रसारक मंडळ, शासकीय विश्रामगृहाजवळ, पुणे-नाशिक महामार्ग,राजगुरुनगर, ता. खेड, जि. पुणे - ४१०५०५’ हे ठरविण्यात आले आहे. शिक्षण आणि अध्यापनाच्या क्षेत्रात आपले भविष्य उज्ज्वल करू इच्छिणाऱ्या आणि विहित पात्रता धारण करणाऱ्या सर्व इच्छुक उमेदवारांनी निर्धारित दिवशी वेळेत उपस्थित राहून या संधीचा लाभ घ्यावा, असे आवाहन संस्थेच्या वतीने करण्यात आले आहे.