महसूल प्रशासना विरोधात १४ ऑगस्टला बेमुदत उपोषण व हलगीनाद आंदोलन

दहिवडी: खटाव तालुक्यातील मायणी ते शामगाव घाटममार्गे रस्त्याचे काम करणारी कंपनी सोनाई इन्फ्रा प्रा. लि. पुणे या कंपनीने मौजे म्हासुर्णे येथील आनंद शिवाजी माने यांच्या गटातून कोणत्याही प्रकारची महसूल प्रशासनाची पुर्वपरवानगी न घेता प्रांत अधिकारी उज्ज्वला गाडेकर, तहसिलदार बाई माने, मंडलाधिकारी, तलाठी यांना हाताशी धरून लाखों ब्रास मुरूम व दगड याचे अवैध उत्खनन केले आहे. तसेच माण तालूक्यातील मौजे राणंद, भालवडी येथूनही तात्पुरत्या परवान्याच्या नावाखाली लाखों ब्रास मुरूम व दगड याचे अवैध उत्खनन केले असून त्यांचे तात्काळ पंचनामे करून कंपनीवरती दंडात्मक कारवाई करण्यात यावी अन्यथा दिनांक १४ ऑगस्ट २०२५ रोजी मा. विभागीय आयुक्त तथा, पुणे यांच्या कार्यालयासमोर बेमुदत हलगीनाद आंदोलन व आमरण उपोषण करीत असल्याबाबतचे निवेदन देण्यात आले आहे.

      मिळालेल्या माहितीनुसार, खटाव तालूक्यातील मायणी ते शामगाव घाट या रस्त्याचे काम करणारी कंपनी सोनाई इनका प्रा. लि. पुणे या कंपनीने मुरूम व दगड उत्खनन करण्याकरीता महसूल प्रशासनाची पुर्वपरवानगी घेणे आवश्यक असताना प्रांत अधिकारी उज्ज्वला गाडेकर, तहसिलदार बाई माने, मंडलाधिकारी, तलाठी यांना हाताशी धरून कोट्यावधी रूपयांचा शासनाचा महसूल बुडवून व शासनाची फसवणूक करून मौजे म्हासुर्णे येथील आनंद शिवाजी माने यांचे गटातून लाखों ब्रास मुरूम व दगड यांचे अवैधरीत्या उत्खनन केलेले आहे. तसेच माण तालुक्यातील मौजे राणंद, भालवडी येथूनही तात्पुरत्या परवान्याच्या नावाखाली लाखों ब्रास मुरूम व दगड याचे अवैध उत्खनन केले असून सदरची बाब प्रांत अधिकारी उज्ज्वला गाडेकर, तहसिलदार बाई माने, मंडलाधिकारी, तलाठी यांना माहित असतानाही केवळ स्वतःच्या आर्थिक फायदयासाठी कंपनीवरती कोणत्याही प्रकारची दंडात्मक कारवाई न करता पाठीशी घातले जात आहे. त्यामुळे महसूल प्रशासनाचा कोट्यावधी रुपयांचा महसूल अधिकाऱ्यांकडून बुडविला जात आहे. सदर रस्त्याचे काम करीत असताना बेकायदेशीररीत्या लाखों वृक्षांची कत्तल संबंधित कंपनीने केल्याचे दिसून येत आहे तरी भ्रष्ट महसूल अधिकाऱ्यांवर निलंबनाची कारवाई करण्यात यावी तसेच संबंधित कंपनीने केलेल्या अवैध मुरूम व दगड उत्खननाचे तात्काळ पंचनामे करून दंडात्मक कारवाई करण्यात यावी अन्यथा महसूल प्रशासनाच्या निषेधार्थ दिनांक १४ ऑगस्ट २०२५ रोजी मा. विभागीय आयुक्त सो, पुणे यांचे कार्यालयात्तमोर बेमुदत हलगी नाद आंदोलन व आमरण उपोषण करण्यात येईल व त्याच्या होणाऱ्या सर्व परिणामांची सर्वस्वी जबाबदारी महसूल प्रशासनाची राहील असा इशारा देण्यात आला आहे. तरी दिलेल्या तक्रारीची उचित नोंद घेऊन कंपनीवरती दंडात्मक कारवाई करावी अशी विनंती देखील करण्यात आली आहे.