रवींद्र धंगेकरांना मोठा दिलासा! सत्र न्यायालयाकडून अटकपूर्व जामीन मंजूर

पुणे : काँग्रेसचे नेते आणि माजी आमदार रवींद्र धंगेकर यांना पुणे सत्र न्यायालयाने अटकपूर्व जामीन मंजूर केला आहे. या निर्णयामुळे धंगेकर यांना मोठा दिलासा मिळाला असून, न्यायालयाने तपासात सहकार्य करण्याच्या अटींसह त्यांचा अटकपूर्व जामीन मंजूर केल्याची माहिती समोर आली आहे.

या प्रकरणात धंगेकर यांच्या वतीने ॲड. विजयसिंह ठोंबरे यांनी न्यायालयात बाजू मांडली. दोन्ही बाजूंचा युक्तिवाद ऐकल्यानंतर न्यायालयाने धंगेकर यांचा अटकपूर्व जामीन अर्ज मंजूर केला. न्यायालयाच्या आदेशानुसार तपास यंत्रणेला आवश्यक ते सहकार्य करण्याचे तसेच न्यायालयाने घालून दिलेल्या सर्व अटींचे पालन करण्याचे निर्देश देण्यात आले आहेत.

या प्रकरणाची राजकीय वर्तुळातही मोठी चर्चा सुरू होती. अटकपूर्व जामीन अर्जावर झालेल्या सुनावणीकडे राजकीय पक्षांसह नागरिकांचे लक्ष लागले होते. न्यायालयाच्या या निर्णयानंतर धंगेकर यांना तात्पुरता कायदेशीर दिलासा मिळाला असला, तरी संबंधित प्रकरणाचा तपास पूर्ववत सुरू राहणार असून तपास यंत्रणा पुढील कायदेशीर प्रक्रिया राबविणार आहे.

दरम्यान, न्यायालयाच्या आदेशानंतर धंगेकर यांच्या समर्थकांनी समाधान व्यक्त केले. दुसरीकडे, प्रकरणाचा तपास निष्पक्षपणे सुरू राहील, अशी भूमिका तपास यंत्रणेकडून स्पष्ट करण्यात आली आहे. आगामी काळात या प्रकरणातील तपास आणि न्यायालयीन प्रक्रियेकडे सर्वांचे लक्ष लागले आहे.