लाडक्या बहिणींच्या खात्यात लवकरच ऑगस्टचा हप्ता; ३३९ कोटींहून अधिक निधी मंजूर

मुंबई: महाराष्ट्र शासनाच्या अत्यंत लोकप्रिय आणि महत्त्वाकांक्षी ठरलेल्या ‘मुख्यमंत्री माझी लाडकी बहीण’ योजनेच्या लाडक्या लाभार्थी महिलांसाठी एक अत्यंत महत्त्वाची आणि दिलासा दायक बातमी समोर आली आहे. या योजने अंतर्गत पात्र महिलांना ऑगस्ट महिन्याचा १५०० रुपयांचा आर्थिक हप्ता लवकरात लवकर वितरीत केला जाणार असून, त्यासाठी राज्य सरकारने तब्बल ३३९ कोटी १४ लाख रुपयांच्या भव्य निधीला अधिकृत मान्यता दिली आहे. हा महत्त्वाचा निधी आता महिला व बालविकास विभागाकडे वर्ग करण्यात आला असून, या निधी वितरण प्रक्रियेमुळे पात्र महिलांच्या बँक खात्यामध्ये ऑगस्ट महिन्याच्या हप्त्याची रक्कम जमा होण्याचा मार्ग पूर्णपणे मोकळा झाला आहे.

         महिला व बालविकास विभागा मार्फत अत्यंत प्रभावीपणे राबविण्यात येणाऱ्या या योजनेसाठी आवश्यक असणारा आर्थिक भार उचलण्यासाठी शासना कडून विशेष नियोजन करण्यात आले आहे. ऑगस्ट महिन्याचा हा लाभ देण्यासाठी सामाजिक न्याय व विशेष सहाय्य विभागाकडील निधीचा वापर करण्यात आला आहे. शासनाच्या अधिकृत निधी वितरण प्रणाली आणि नियमा नुसार हा निधी लाडकी बहीण योजनेच्या अंमलबजावणीसाठी महिला व बालविकास विभागाकडे उपलब्ध करून देण्यात आला आहे. प्रशासकीय पातळीवर यासंदर्भातील सर्व प्रक्रिया अत्यंत वेगाने पूर्ण करण्यात आली असून, आता हा निधी पात्र लाभार्थी महिलांपर्यंत पोहोचवण्याची अंतिम कार्यवाही सुरू आहे.

          ‘मुख्यमंत्री माझी लाडकी बहीण’ योजना ही पूर्णपणे थेट लाभ हस्तांतरण (DBT - Direct Benefit Transfer) प्रणालीवर आधारित असल्यामुळे, मंजूर झालेला निधी कुठल्याही मध्यस्थाविना थेट पात्र महिलांच्या बँक खात्यांमध्ये जमा केला जाणार आहे. एकाच वेळी मोठ्या संख्येने महिलांच्या खात्यात पैसे ट्रान्सफर होत असल्याने ही संपूर्ण प्रक्रिया बँकिंग प्रणाली नुसार टप्प्या टप्प्याने पार पाडली जाते. डीबीटी प्रक्रियेची पूर्तता झाल्यानंतर संबंधित महिलांच्या खात्यामध्ये रक्कम जमा होईल. रक्कम जमा झाल्यानंतर शासना कडून किंवा संबंधित बँके कडून नोंदणीकृत मोबाईल क्रमांकावर एसएमएस (SMS) द्वारे खातेदारांना याबाबतची अधिकृत माहिती मिळण्यास मदत होईल.

         गेल्या काही काळापासून राज्यातील महिलांच्या आर्थिक स्वातंत्र्यासाठी आणि त्यांना सशक्त करण्यासाठी सुरू झालेल्या या योजने अंतर्गत पात्र महिलांना दरमहा १५०० रुपयांचा आर्थिक निधी दिला जातो. महिला व बालविकास विभागा मार्फत या संपूर्ण योजनेची कडक अंमलबजावणी केली जात आहे. ऑगस्ट महिन्याचा हप्ता मंजूर झाल्यामुळे महिलांच्या बँक खात्यांमध्ये पैसे जमा होण्याच्या प्रक्रियेला गती आली आहे. प्रशासना कडून सर्व तांत्रिक बाबी पूर्ण करण्यात आल्या असून, पात्र महिलांनी आपल्या बँक खात्याशी संबंधित आधार सीडिंग आणि इतर तपशील अद्ययावत ठेवावेत, जेणे करून हप्त्याची रक्कम मिळण्यात कोणतीही अडचण येणार नाही. या नव्या निधी वितरणांमुळे लाडक्या बहिणींना मोठा आर्थिक दिलासा मिळाला असून, राज्यभरातील महिला वर्गामध्ये उत्साहाचे वातावरण पाहायला मिळत आहे.